कृपा केर झरना बहेला दिनो राति प्रभु तोर अंगना में

कृपा केर झरना बहेला दिनो राति प्रभु तोर अंगना में
मोंय तो सोचोना कहिया जाबूँ तोरे अंगना में
मोंय तो तरसोना कहिया जाबूँ तोरे अंगना में

1 . तोके ठुकराय के दुनिया में रइम के
मोह माया में डुबी गेलो,
तोके बिसराय के तोर नाता तोइड़ के
मोंय कहांँ बेड़ाय गेलो,
प्रभु मोके तोंय कहियो न भुलाबे
तोर कृपा से तोंय मोके भइर देबे
प्रभु तोर कृपा केर झरना से

2. दुनिया अँधार आहे, पहाड-पर्वत माझे
डहर मोके नी दिसेला
नदी नाला आहे, जंगल सुनसान माझे
तोर दया के मोंय सोचोना,
प्रभु मोके तोंय कहियो न भुलाबे
तोर दुलर से तोंय मोके भइर देबे
प्रभु तोर कृपा केर झरना से

3. कृपा से भइर दे, मोके बदइल दे
प्रभु मोके छमा कहर दे,
तोके नी भुलाबूँ तोर सेवा करबूँ
जिन्दगी तोके चढ़ाय देबूँ, 
प्रभु मोके तोंय अपन बनाबे
तोर दया से तोंय मोके भइर देबे
प्रभु तोर कृपा केर झरना से

Song Link –
Kripa Ker Jharna Bahela Dino Rati
Page no. 56, Hymn no. 152.
Hymn Book – Sangeet Sagar
Entrance Hymns (Prawesh Gaan)