महिमा महिमा महिमा प्रभु केर गूँजे रे दुनिया में

महिमा गान –
री० महिमा महिमा महिमा प्रभु केर
गूँजे रे दुनिया में – 2
स्वरग में दूत – संत गाते रहेना
दुनिया में मनवा गावेना रे, महिमा…

1. स्वरग के बनाले आबा ईश्वर
स्वरग में दूत मन के भइर देले
दुनिया के बनाले आबा ईश्वर
दुनिया में मनवा के भइर देले

2. मनवा के बचाले आबा ईश्वर
बेटा के दुनिया में भेइज देले
मनवा के बचाले येसु ईश्वर
कुरूस में जीवन गंवाय देले

3. पवित्र आत्मा दाता ईश्वर
सोब बेरा हमरे के नज़इर करीला
पवित्र काथलिक कलीसिया में
करीला सोब बेरा तोर महिमा

Song Link –
Mahima Mahima Mahima Prabhu Ker Gunje Re Duniya Me
Page no. 16, Hymn no. 51.
Hymn Book – Sangeet Sagar
Gloria & Mercy(Mahima Gaan, Daya Yachna).