येसु बिना जीवन ज्योति कहों नी पालों

री. येसु बिना जीवन ज्योति कहों नी पालों
मसीह बिना रहलो मोंय टुवरे-टपरे
जिन्दगी केर दिलासा मोंय कहों नी पालों
जीवन ज्योति प्रभु देलैं अपन डहरे

1. येसु केर वचन के तो
फूल केर माला लेखे गूँथी देलों
येसु केर वचन के तो
जीवन केर दीया लेखे बरी देलों
रंगी – बिरंगी फूला लेखे मोके येसु
जीवन केर बगीचा में रोपीयो देलैं
डाड़े हरियार बुदा लेखे मोके येसु
जीवन केर बगीचा में रोपीयो देलैं

2. येसु केर वचन के तो
सोना-चांदी लेखे कमाय लेलों
येसु केर वचन के तो
हीरा-मोती लेखे किनी लेलों
अपन चुनल साथी लेखे मोके येसु
दुनिया केर जंगल से बोलाय लेलैं
छोटे सन सुन्दर छौवा लेखे मोके येसु
अपन हाथ में छुपाय लेलैं

Song Link –
Yesu Bina Jeevan Jyoti Kaho Ni Palo
Page no. 89, Hymn no. 233.
Hymn Book – Sangeet Sagar
Responsorial Hymns (Anter Bhajan)